比較一下Game同真實世界嘅L.A.有幾大分別
幾時先有一個Game可以還原香港地標認真到呢個地步呢?
Category: XBox 360
我覺得係近年遊戲界嘅神作之一。
Braid trailer from David Hellman on Vimeo.
無鋪天蓋地嘅推廣、又無美型主角、更無近年大熱嘅3D效果；但換來水彩畫風、New Age音樂、具神秘感嘅故事會令好多玩過Briad嘅人愛上佢。
遊戲由第二世界開始，最後响第一世界終結。而每一個世界都將時間嘅概念重新演繹 (例如World 3有不受時間影響嘅物品/敵人、World 4以主角橫軸控制時間流動等)。文字的確好難解釋，唯有大家試玩一下就知道囉。
因為戰國無雙2成就已經拎晒，無理事由唔繼續落去；所以連猛將傳都玩埋。
猛將傳一隻DVD已經包括原本嘅戰國無雙2遊戲同猛將傳，而本身有戰國無雙2嘅朋友亦可以用2400 MS Point下載猛將傳嘅內容入Xbox Harddisk內。
猛將傳多咗4個新角色，再加入柴田勝家/佐佐木小次郎嘅故事模式，亦因為新加劇情關係多咗「桶狹間」「四國」兩個地圖同新音樂。武將等級上限由50上升至70，連帶每個角色嘅Charge攻擊都有所增加。護衛武將階級由最高20級上升至30級。每個角色除咗原有嘅第四級武器以外，又各增加第五武器 (不過只係名稱屬性能力有分別，原生攻擊力同Level 4武器一樣)。遊戲難度追加超容易嘅「天國」級同最難嘅「修羅」級。另外商鋪可以買入「秘技」俾武將裝備同「寶珠合成」來增強武器能力。另一方面加入傭兵演武Mode俾大家儲Level用 (果D所謂名刀collection得個睇字又個個嘅樣都一樣，又唔可以裝備上身…)
今日終於完全拎晒全部1250分成就，總括一句而言：「有時間耐性的話，想爆機一啲都唔難」
其實玩咗呢隻Game好耐，都講一下啦…
無雙系列來到XBox 360其實無乜太大改進，隱形兵問題一樣存在；而其他方面係唔係好過PS2版我都無得比較；唯一我覺得唔錯嘅係真係可以玩好耐，每一個角色能力同絕技都不盡相同。而且城內城外嘅無縫轉接都係呢一集無雙開始引入，令每一關都可以一氣呵成玩到盡。另外XBox 360機能比PS2強，的確係可以响大量角色出現時唔會有拖慢畫面嘅情況出現。
成就方面大部分都唔難，都係完成一個角色嘅主線故事就可以unlock另一個相關角色 (除咗最後3個角色嘅成就，依家小弟仲係努力緊)。
不過唔計成就，單單要儲各人嘅第四武器同埋各人嘅外傳，又係另一個挑戰~~
因為老婆話D 公仔好Cute，所以用咗D MS Point Download咗個Full version來玩。
同好多 Puzzle Game一樣，三隻以上連顏色嘅兔仔連埋就可以消去，另外紅色Bunny消失可以令其附近一格都炸走，而紫色Bunny消失更可以令其消失格仔橫列同直欄全部格仔嘅免仔炸走 (Wowow)。有時D兔仔會突然Call晒全場同類跳舞，果時令佢哋消失所加嘅分數會多好多。全個Game最攪鬼嘅係可以走去旁邊打橫射兔仔，同埋有雙人合作Mode。
唔好以為Cute Cute哋就以為好易玩，每10關先有一個Save Point，我試過不知幾多次响Stage 19/20度Game Over，又要再來過….
以前同Friend租屋住嘅時期，成日都有去機鋪打，PS2嘅第四代Evolution都有玩。依家又可以响屋企練功囉!
HD畫面當然震撼，而皮膚凹凸同汗都見到果下先嚇親，最多人討論嘅會係Xbox Live上對戰嘅流暢，同香港人Online玩拍得住Offline 2P喎 (我玩得唔勁，所以俾唔到comment)，PS3版完全比下去。
Quest Mode好似無4代咁多機鋪，不過in game場地又真係好靚，尤其長城同中國山景最精緻 (日本庭園同櫻花館都good)。要開晒成就又要落一番苦功… 因為「我仲係VF苦手」!
[08.02.23] 但估唔到，依家剛剛完成咗Quest Mode… 原來苦練之下用原裝Joypad都算可以做到D成績出來… 
估唔到一個Beautiful Katamari (美麗的塊魂)令我決定做Xbox 360機主。 (不過Wii同NDS仍然會長揸唔放的)
的確，用Sharp Aquos G7H來打塊魂「真不是蓋的」﹗近嘅物件多多都Show到，遠嘅景都又唔會Blur晒；執筆之時已經有25/40個成就，希望遲啲可以同本身識嘅朋友online play (即係唔係中地雷搵對手)。同期入手仲有Dead Rising，不過相信要Halloween後先有時間玩囉 (因為友人留咗Wii嘅Elebits要我幫佢打爆機)。
- 有繁體中文Support
- 網絡服務完善
- 大量Demo/XBLA Game可以試玩
- 有HDMI/Native 5.1 Surround Sound/1080p支援
- 有平價行貨Games
望就望任記快D摘下大中華市場嘅一塊大餅，同MS瓜分Game壇 (PS3，真係Sorry囉；You’re not my cup of tea)
