由Nexus One到Galaxy Nexus (移民篇)

首先最緊要當然係先強行由Nexus One(簡稱’N1′, 下同)手動做一次Sync Data先，咁會包括聯絡人資料、行事曆、Google Docs等等，一併更新到雲端。

本身我N1已經Root機 (用CyanogenMod 7 nightly build 253)同埋買咗Titanium Backup Pro，所以再用佢來Backup一次所有Apps同Data到SD card內，並同內建嘅Dropbox支援功能將archives sync一次。要留意嘅係有D app自己已經係用roaming account的，即係資料都唔係使用本機嘅copy, 例如：

• Mobage Games嘅Tiny Tower/Pocket Frog
• Whatsapp / pingchat (現已改名為Touch) / LINE / Skype
• Evernote
• Facebook for android / FriendCaster Pro (新機用返Facebook account login)
• Google Reader / Feedly (新機用返google account login返)
• Heyzap
• Twitter / Plume (新機用返twitter account login)
• Plurka (新機用返plurk account login)
• Spark 360 (新機用返XBox account login)
• Speedx 3D (新機用返OpenFeint account login)
• Youtube / TubeMate (新機用返youtube account login, 因為我Google同youtube帳目係分開的)
• SMS Backup (新機用返google account login返)

相片同影低嘅video早就用Google+即時上載「備份」(可以用Picasa之後整套下載, 當然亦可以直接USB過晒D相返去電腦度)

音樂? 一早用緊Google Music，所以無需再處理了~

======

到Galaxy Nexus呢一邊了(簡稱’GN’, 下同)

先插電叉滿電一次 (呢個step我覺得好緊要，關乎舊電日後嘅表現，以後有機會再share)

第一次開機唔使心急住，等wifi連線準備好再繼續login Google Account (唔通用3G download咁多嘢咩)

登入之後，基本上聯絡人資料、行事曆、GMail、Google Reader、Google Docs、Google+ (包括已經sync上去嘅相同video)、Google Current(要自己download apk的)、Google Music、Market已購買項目清單就同步好了

其他Apps，我反而考慮到reload data到ICS度有可能出問題，都係乖乖的再由Market一個一個再download過，順手清理一下我嘅apps：

可以唔install嘅有：

• CM7用嘅ICS Phase Beam Live Wallpaper/Ice Cream Sandwich CM7 Theme – 呢2個扮嘢用嘅apps當然可以唔使再install啦
• AutoKiller Memory Optimizer/Set DNS/AdAway/MarketEnabler – 未有root機，所以無裝
• ChromeMarks Lite – 原本用來sync Desktop Chrome browser嘅bookmarks，ICS Web Browser已經內建了呢個功能
• SD Speed Increase/SD Tools/S2E - 無SD card玩所以無用
• Appbrain嘅Fast Web Installer – ICS唔support
• Lyrics App – 內建Google Music果D Roaming songs唔support
• Time-Lapse – 內建Camera已經包呢個feature
• Juice Defender – changelog/官方blog未有講support ICS…

要修正一下的：

• Lookout Security & Antivirus – 原來每次只可以activate一個device嘅find me feature，所以去N1度disable先
• Whatsapp – 只有Group chat內容帶到去新機；另外因為我個account 2012年4月會開始收錢，所以以後都係用Google Talk好了

My Beach Free動態桌面

夏至已過，每日都係好熱，要轉個啱季節嘅動態桌面來調劑一下 – 近日就搵到呢個My Beach Free (另有付費版)

Claystone launcher

第一次用wordpress for android來打blog, 先介紹一下一個新Android launcher. Claystone launcher 雖然有少少3D嘅介面，但同時都強調3個特點：優化嘅手機資源應用以減少電池消耗、响每一種手機上都用上最少嘅記憶體、同埋以OpenGL來打造嘅華麗介面效果。

安眠程式 Live Sound

越來越多Android App面世，所以上次介紹嘅White Noise Lite已經唔係安撫BB嘅首選App囉；今次介紹一下另一個幫大人細路BB入睡(或冥想用)嘅App – Live Sound

由CM7 RC3降回CM6.1.1

實在太耐無update個blog了…

早陣子不斷地以Nexus One為白老鼠，一見到CyanogenMod個Mirror Network一出Nightly Build就試，可惜到現時為止有兩個主要問題對我來講未可以接受：

1. 720p嘅Camera同720p mp4 playback native support
   CM6時期有嘅Enhancement反而到CM7被收起了，只因為有傳HTC未有釋出Gingerbread用嘅720p Camera source (例如Desire HD果個版本)，所以遲遲都未有人可以rebuild返另一個俾CM7用
2. 太食電了!!
   以往CM6都係用pershoot嘅內核(kernel)，可以超頻至1113MHz之餘idle期間亦非常省電，可以由2個鐘由100%電量暴跌到15%，可惜因為遲遲未有Gingerbread用嘅內核版本，所以CM7只可以用oxygene內核；不過可喜嘅係剛剛由Rom Manager中見到Pershoot出咗適合CM7/Gingerbread用嘅最新版本，大家可以刷完各CM7 nightly或RC版之後試試

基於720p嘅迷思，我都係rollback返去CM6.1.1靜觀其變先…

安撫BB救星 – White Noise Lite

BB不時都會成日扭計，用盡方法都未必可以安撫佢哋，但有咗呢個Android App之後就幫助你解決呢個問題 – White Noise Lite (另有收費版)

研究指白嘈音 White Noise對於嬰兒有撫平情緒嘅作用。White Noise Lite本身提供十種唔同嘅聲音，主畫面右上方更可以設定倒數時計 (例如播放29分56秒後關閉)，又或者設定鬧鐘定時啟動聲音；而左上可以Bookmark為喜愛嘅聲效打星以方便下次重用。

[無聊apps] Hamster Power

Android上暫時比較少Casual程式，其中要再搵一啲好無聊嘅就更加難上加難；不過近日見到AppBrain.com上佢推薦我玩Hamster Power，印象中又好似見到某D日本app market有介紹過，就download咗落來試試…

軟件內包括主程式同埋Home widget，首次使用時會有3款倉鼠可以選擇作為寵物，亦可以為佢命名。準備好之後會响Home Screen放上一個1×1的小工具來表示當時倉鼠嘅發電量。

Android Live Wallpaper精選 (2010九月號)

今次介紹3個Live wallpapers：3D Koi Pond Live Wallpaper, Asteroid Belt Free同埋Bamboo Forest Free。

由Android OS睇智能家居嘅未來

Samsung近日大力推廣，仲估計可以有數以百萬計嘅銷量；當然，一個tablet已經包括晒假想敵iPad/iPhone4嘅功能有凸，除咗價錢同少app之外之真係好吸引。點解Samsung除咗開始咗Bada呢個platform之外都仲要靠攏android陣營，我覺得同智能家居好有關係。

Galaxy Tab除咗睇網頁或充當eBook之外，本身亦可以用BT耳機充當巨型手提電話，但似乎近日會變成其影音產品嘅中央控制中心，而用android係因為唔駛再花時間人力去R&D。相信Sony/LG早已洞悉呢個潛能，所以未來都有tv/手機/tablet植入Android OS；當然肥水不留別人田，佢地各自總會用自家app去控制同廠其他產品，但時間耐咗總有機會將佢雲端化。到時，你可以經DLNA stream電視劇出街睇，可以影完相wifi直出電視全家人一齊分享，如果本身屋企有NAS設備，仲可以一影完相直接sync上去，或者stream blu-ray電影/音樂去手機隨身帶住。

因為Samsung/Sony/LG等廠商都有出家庭電器，相信不久嘅將來你可以放工前用mobile控制：開定屋企冷氣、撻著個飯煲、焗定個蛋糕，一返屋企就可以即刻開電視食個靚飯。怕塞車趕唔切返屋企追劇、又可以mobile直接load節目表set預錄。當然，若果你唔怕行蹤暴露出來，仲可以set定當你進入屋企for say 300米範圍內就自動跟program好嘅設定搞定晒，乜button都唔駛按；或反而言之，你離開屋企範圍之後 devices會自己shutdown或入standby mode。

其他名不經傳嘅公司亦可以為智能家居出一分力，將來一定會有remote窗簾、remote熱水爐等，甚至可以由現有用品上加一個gadget來控制 (就好似未有iDTV前用機頂盒補完一樣)；另一方面，XDA-Developer相信都有高手出動，寫一個universal嘅app去remote任何support雲端控制嘅devices，甚至用google account login網頁就可以已經控制D Devices。

最緊要嘅係，大家都用android OS，要實現以上「夢想」，你就唔一定全屋都係某一個牌子嘅家電，價格亦唔係高昂到一般人都玩唔起。

Android Froyo微調影片質素

用開Nexus One嘅朋友，唔少都有root機同埋刷咗Cyanogen Mod Rom (下稱CM Rom)，目的係加強Stock ROM (原廠firmware)嘅不足、甚至強化本身嘅功能；如今已經出到CM6，係基於最新Stock ROM firmware 2.2 (代號 Froyo)。但大家有冇留意Froyo/CM6上新嘅拍影片app可以微調影片質素呢？